Banbu-ren Moso banbuzko orrazia

Banbu-ren orrazi hau oso ondo joango zaizu poltsan edo bidaian eramateko. Bere neurriari esker, erraz eraman ahal izango duzu, eta behar duzun tokietan ilea orraztu!

Nik ile luzea dut eta hasiera batean niretzat erosoagoa litzateke Banbu-ren ile-eskuila erabiltzea. Baina, batzuetan, nahiago izaten dut nire adatsa egunean askotan ez orraztu, fina denez, mugimendu pixka bat galtzen baitu. Orrazi honekin, aurrealdea eta goikoa orraztu ditzaket, ordena pixka bat jartzeko, gainerako ilearen berezkotasuna galdu gabe. Ondo azaldu dut, ezta?!

Orrazi hau egiteko erabiltzen den zura, Moso banbua, aukerarik iraunkorrenetako bat da; azkar hazten delako, ur gutxi behar duelako eta zuhaixka denez ez delako ebaki behar. Banbu mota hau ez da panda hartzak elikatzeko erabiltzen duen barietatea, eta ongarriztatze eta pestizida artifizialik gabeko landaketetatik datorrela ere ziurtatzen du Banbu-k.

Banbu-ren orraziak benetan seguruak eta gogorrak dira. Mantentze-lan egokiak eginez gero, denbora luzez iraungo dizu. Dena den, bere bizitza baliagarriaren amaiera heltzean, birziklatzeko, kanpoko kartoi birziklatuzko kaxa edukiontzi urdinean sartuko dugu eta biodegradagarria den zura hondakin organikoen edukiontzian.

Banbu–Moso zura

• Gomendagarria da hortzetan geratzen diren ileak kentzea, haien higienea mantentzeko eta mugimendu egokia oztopa ez dezaten.
• Garbitzean, utzi lehortzen hezetasunetik urrun eta oso leku aireztatuan.
• Banbuak hezetasuna oso ondo jasaten badu ere, gainazal bustien gainean kontaktu jarraitua eragotzi.